薄伽梵歌 · 第十四章 · 三德之别 GuṇatrayavibhāgayogaBhagavadgītā
-
1
(世尊说:)我再讲一讲至高的知识,那是一切知识中最上乘的。所有圣者懂得了它,都从这里达到了至高的圆满。
परं भूयः प्रवक्ष्यामि ज्ञानानां ज्ञानम् उत्तमम् । यज् ज्ञात्वा मुनयः सर्वे परां सिद्धिम् इतो गताः ॥१॥
paraṃ bhūyaḥ pravakṣyāmi jñānānāṃ jñānam uttamam | yaj jñātvā munayaḥ sarve parāṃ siddhim ito gatāḥ ||1||
-
2
依靠这种知识,他们获得了和我一样的本性;世界创生时他们不再出生,世界毁灭时他们也不受苦。
注 1
- 创生与毁灭
- 印度宇宙观里,世界周期性地展开(sarga)与收回(pralaya)。达到解脱的人跳出了这个循环。
इदं ज्ञानम् उपाश्रित्य मम साधर्म्यम् आगताः । सर्गे ऽपि नोपजायन्ते प्रलये न व्यथन्ति च ॥२॥
idaṃ jñānam upāśritya mama sādharmyam āgatāḥ | sarge 'pi nopajāyante pralaye na vyathanti ca ||2||
-
3
伟大的梵是我的子宫,我把胎种放进其中;阿周那啊,一切众生就从那里产生。
注 1
- 伟大的梵
- mahad brahma,这里指原质(物质自然),它像母胎;神是投下种子的父亲。
मम योनिर् महद् ब्रह्म तस्मिन् गर्भं दधाम्य् अहम् । संभवः सर्वभूतानां ततो भवति भारत ॥३॥
mama yonir mahad brahma tasmin garbhaṃ dadhāmy aham | saṃbhavaḥ sarva-bhūtānāṃ tato bhavati bhārata ||3||
-
4
阿周那啊,在所有的胎里所生出的一切形体,伟大的梵是它们的母胎,我是播下种子的父亲。
सर्वयोनिषु कौन्तेय मूर्तयः संभवन्ति याः । तासां ब्रह्म महद् योनिर् अहं बीजप्रदः पिता ॥४॥
sarva-yoniṣu kaunteya mūrtayaḥ saṃbhavanti yāḥ | tāsāṃ brahma mahad yonir ahaṃ bīja-pradaḥ pitā ||4||
-
5
萨埵、罗阇、多摩,这三种德都从原质产生;阿周那啊,它们把不朽的住身者束缚在身体里。
注 1
- 住身者
- dehin,住在身体里的那一位,就是真我。三德本来只是物质的性质,却把它绑在了身体上。
सत्त्वं रजस् तम इति गुणाः प्रकृतिसंभवाः । निबध्नन्ति महाबाहो देहे देहिनम् अव्ययम् ॥५॥
sattvaṃ rajas tama iti guṇāḥ prakṛti-saṃbhavāḥ | nibadhnanti mahā-bāho dehe dehinam avyayam ||5||
-
6
其中萨埵因为纯净,所以明亮而无病痛;阿周那啊,它用对快乐的执着和对知识的执着来束缚人。
तत्र सत्त्वं निर्मलत्वात् प्रकाशकम् अनामयम् । सुखसङ्गेन बध्नाति ज्ञानसङ्गेन चानघ ॥६॥
tatra sattvaṃ nirmalatvāt prakāśakam anāmayam | sukha-saṅgena badhnāti jñāna-saṅgena cānagha ||6||
-
7
要知道,罗阇的本性是激情,从渴求与执着中产生;阿周那啊,它用对行动的执着来束缚住身者。
रजो रागात्मकं विद्धि तृष्णासङ्गसमुद्भवम् । तन् निबध्नाति कौन्तेय कर्मसङ्गेन देहिनम् ॥७॥
rajo rāgātmakaṃ viddhi tṛṣṇāsaṅga-samudbhavam | tan nibadhnāti kaunteya karma-saṅgena dehinam ||7||
-
8
而多摩,要知道,它从无知产生,使一切有身者迷惑;阿周那啊,它用疏忽、懒惰和昏睡来束缚人。
तमस् त्व् अज्ञानजं विद्धि मोहनं सर्वदेहिनाम् । प्रमादालस्यनिद्राभिस् तन् निबध्नाति भारत ॥८॥
tamas tv ajñāna-jaṃ viddhi mohanaṃ sarva-dehinām | pramādālasya-nidrābhis tan nibadhnāti bhārata ||8||
-
9
萨埵使人执着于快乐,罗阇使人执着于行动;而多摩遮蔽知识,使人陷于疏忽。
सत्त्वं सुखे संजयति रजः कर्मणि भारत । ज्ञानम् आवृत्य तु तमः प्रमादे संजयत्य् उत ॥९॥
sattvaṃ sukhe saṃjayati rajaḥ karmaṇi bhārata | jñānam āvṛtya tu tamaḥ pramāde saṃjayaty uta ||9||
-
10
阿周那啊,萨埵压倒罗阇和多摩时就占上风;同样,罗阇压倒萨埵和多摩,多摩压倒萨埵和罗阇。
रजस् तमश् चाभिभूय सत्त्वं भवति भारत । रजः सत्त्वं तमश् चैव तमः सत्त्वं रजस् तथा ॥१०॥
rajas tamaś cābhibhūya sattvaṃ bhavati bhārata | rajaḥ sattvaṃ tamaś caiva tamaḥ sattvaṃ rajas tathā ||10||
-
11
当这个身体的所有门户(感官)都透出光明、生起知识时,就该知道萨埵增长了。
सर्वद्वारेषु देहे ऽस्मिन् प्रकाश उपजायते । ज्ञानं यदा तदा विद्याद् विवृद्धं सत्त्वम् इत्य् उत ॥११॥
sarva-dvāreṣu dehe 'smin prakāśa upajāyate | jñānaṃ yadā tadā vidyād vivṛddhaṃ sattvam ity uta ||11||
-
12
阿周那啊,当罗阇增长时,就会生出贪婪、躁动、忙着开创事业、静不下来和渴望。
लोभः प्रवृत्तिर् आरम्भः कर्मणाम् अशमः स्पृहा । रजस्य् एतानि जायन्ते विवृद्धे भरतर्षभ ॥१२॥
lobhaḥ pravṛttir ārambhaḥ karmaṇām aśamaḥ spṛhā | rajasy etāni jāyante vivṛddhe bharatarṣabha ||12||
-
13
阿周那啊,当多摩增长时,就会生出昏暗、懒散、疏忽和迷惑。
अप्रकाशो ऽप्रवृत्तिश् च प्रमादो मोह एव च । तमस्य् एतानि जायन्ते विवृद्धे कुरुनन्दन ॥१३॥
aprakāśo 'pravṛttiś ca pramādo moha eva ca | tamasy etāni jāyante vivṛddhe kuru-nandana ||13||
-
14
如果萨埵占上风时住身者死去,他就会往生到懂得至高真理者所在的、纯净无垢的世界。
यदा सत्त्वे प्रवृद्धे तु प्रलयं याति देहभृत् । तदोत्तमविदां लोकान् अमलान् प्रतिपद्यते ॥१४॥
yadā sattve pravṛddhe tu pralayaṃ yāti deha-bhṛt | tadottama-vidāṃ lokān amalān pratipadyate ||14||
-
15
在罗阇占上风时死去,就生在执着于行动的人当中;同样,在多摩中死去,就生在愚痴者的胎里。
रजसि प्रलयं गत्वा कर्मसङ्गिषु जायते । तथा प्रलीनस् तमसि मूढयोनिषु जायते ॥१५॥
rajasi pralayaṃ gatvā karma-saṅgiṣu jāyate | tathā pralīnas tamasi mūḍha-yoniṣu jāyate ||15||
-
16
人们说,善行的果报是属于萨埵的、纯净的;罗阇的果报是痛苦,多摩的果报是无知。
कर्मणः सुकृतस्याहुः सात्त्विकं निर्मलं फलम् । रजसस् तु फलं दुःखम् अज्ञानं तमसः फलम् ॥१६॥
karmaṇaḥ sukṛtasyāhuḥ sāttvikaṃ nirmalaṃ phalam | rajasas tu phalaṃ duḥkham ajñānaṃ tamasaḥ phalam ||16||
-
17
从萨埵生出知识,从罗阇生出贪婪,从多摩生出疏忽、迷惑以及无知。
सत्त्वात् संजायते ज्ञानं रजसो लोभ एव च । प्रमादमोहौ तमसो भवतो ऽज्ञानम् एव च ॥१७॥
sattvāt saṃjāyate jñānaṃ rajaso lobha eva ca | pramāda-mohau tamaso bhavato 'jñānam eva ca ||17||
-
18
安住于萨埵的人往上走,属于罗阇的人停在中间,处在最低那种德的状态中的、属于多摩的人往下走。
ऊर्ध्वं गच्छन्ति सत्त्वस्था मध्ये तिष्ठन्ति राजसाः । जघन्यगुणवृत्तस्था अधो गच्छन्ति तामसाः ॥१८॥
ūrdhvaṃ gacchanti sattva-sthā madhye tiṣṭhanti rājasāḥ | jaghanya-guṇa-vṛtta-sthā adho gacchanti tāmasāḥ ||18||
-
19
当观者看清除了三德以外再没有别的行动者,并且认识到那超越三德者,他就达到了我的境界。
नान्यं गुणेभ्यः कर्तारं यदा द्रष्टानुपश्यति । गुणेभ्यश् च परं वेत्ति मद्भावं सो ऽधिगच्छति ॥१९॥
nānyaṃ guṇebhyaḥ kartāraṃ yadā draṣṭānupaśyati | guṇebhyaś ca paraṃ vetti mad-bhāvaṃ so 'dhigacchati ||19||
-
20
住身者超越了这三种从身体生起的德,便从生、死、老、苦中解脱,尝到不死。
गुणान् एतान् अतीत्य त्रीन् देही देहसमुद्भवान् । जन्ममृत्युजरादुःखैर् विमुक्तो ऽमृतम् अश्नुते ॥२०॥
guṇān etān atītya trīn dehī deha-samudbhavān | janma-mṛtyu-jarā-duḥkhair vimukto 'mṛtam aśnute ||20||
-
21
(阿周那说:)主啊,超越了这三德的人有什么标志?他的行为是怎样的?他又是怎样超越这三德的?
कैर् लिङ्गैस् त्रीन् गुणान् एतान् अतीतो भवति प्रभो । किमाचारः कथं चैतांस् त्रीन् गुणान् अतिवर्तते ॥२१॥
kair liṅgais trīn guṇān etān atīto bhavati prabho | kim-ācāraḥ kathaṃ caitāṃs trīn guṇān ativartate ||21||
-
22
(世尊说:)阿周那啊,光明、躁动、迷惑出现时他不厌恶,消退时他也不渴望;
प्रकाशं च प्रवृत्तिं च मोहम् एव च पाण्डव । न द्वेष्टि संप्रवृत्तानि न निवृत्तानि काङ्क्षति ॥२२॥
prakāśaṃ ca pravṛttiṃ ca moham eva ca pāṇḍava | na dveṣṭi saṃpravṛttāni na nivṛttāni kāṅkṣati ||22||
-
23
他像旁观者那样坐着,不被三德扰动;他明白「不过是三德在运作」,于是安住不动,毫不动摇;
उदासीनवद् आसीनो गुणैर् यो न विचाल्यते । गुणा वर्तन्त इत्य् एव यो ऽवतिष्ठति नेङ्गते ॥२३॥
udāsīnavad āsīno guṇair yo na vicālyate | guṇā vartanta ity eva yo 'vatiṣṭhati neṅgate ||23||
-
24
苦乐等同,安住于自身,把土块、石头和黄金看得一样,喜欢的与不喜欢的一样,坚定沉着,毁谤与赞美一样;
समदुःखसुखः स्वस्थः समलोष्टाश्मकाञ्चनः । तुल्यप्रियाप्रियो धीरस् तुल्यनिन्दात्मसंस्तुतिः ॥२४॥
sama-duḥkha-sukhaḥ svasthaḥ sama-loṣṭāśma-kāñcanaḥ | tulya-priyāpriyo dhīras tulya-nindātma-saṃstutiḥ ||24||
-
25
荣誉与羞辱一样,朋友与敌人一样,放下了一切刻意的营谋——这样的人被称为超越三德者。
मानापमानयोस् तुल्यस् तुल्यो मित्रारिपक्षयोः । सर्वारम्भपरित्यागी गुणातीतः स उच्यते ॥२५॥
mānāpamānayos tulyas tulyo mitrāri-pakṣayoḥ | sarvārambha-parityāgī guṇātītaḥ sa ucyate ||25||
-
26
谁以毫不动摇的虔爱瑜伽侍奉我,他就超越了这三德,够格成为梵。
मां च यो ऽव्यभिचारेण भक्तियोगेन सेवते । स गुणान् समतीत्यैतान् ब्रह्मभूयाय कल्पते ॥२६॥
māṃ ca yo 'vyabhicāreṇa bhakti-yogena sevate | sa guṇān samatītyaitān brahma-bhūyāya kalpate ||26||
-
27
因为我是梵的根基,是不死与不灭的根基,是永恒正法的根基,也是终极喜乐的根基。
ब्रह्मणो हि प्रतिष्ठाहम् अमृतस्याव्ययस्य च । शाश्वतस्य च धर्मस्य सुखस्यैकान्तिकस्य च ॥२७॥
brahmaṇo hi pratiṣṭhāham amṛtasyāvyayasya ca | śāśvatasya ca dharmasya sukhasyaikāntikasya ca ||27||