薄伽梵歌 · 第十六章 · 神性与魔性 DaivāsurasampadvibhāgayogaBhagavadgītā
-
1
(世尊说:)无畏,内心纯净,坚守知识的瑜伽,布施,自制,祭祀,诵读经典,苦行,正直;
अभयं सत्त्वसंशुद्धिर् ज्ञानयोगव्यवस्थितिः । दानं दमश् च यज्ञश् च स्वाध्यायस् तप आर्जवम् ॥१॥
abhayaṃ sattva-saṃśuddhir jñāna-yoga-vyavasthitiḥ | dānaṃ damaś ca yajñaś ca svādhyāyas tapa ārjavam ||1||
-
2
不伤害,诚实,不发怒,舍弃,平静,不说人坏话,怜悯众生,不贪婪,温和,知羞耻,不轻浮;
अहिंसा सत्यम् अक्रोधस् त्यागः शान्तिर् अपैशुनम् । दया भूतेष्व् अलोलुप्त्वं मार्दवं ह्रीर् अचापलम् ॥२॥
ahiṃsā satyam akrodhas tyāgaḥ śāntir apaiśunam | dayā bhūteṣv aloluptvaṃ mārdavaṃ hrīr acāpalam ||2||
-
3
有光彩,宽恕,坚毅,清净,不怀恶意,不过分骄傲——阿周那啊,这些是生来具有神性禀赋的人所具备的。
注 1
- 神性禀赋 / 魔性禀赋
- daivī saṃpad 与 āsurī saṃpad,「天神那样的品质」和「阿修罗(魔族)那样的品质」。这一章把人分成这两类。
तेजः क्षमा धृतिः शौचम् अद्रोहो नातिमानिता । भवन्ति संपदं दैवीम् अभिजातस्य भारत ॥३॥
tejaḥ kṣamā dhṛtiḥ śaucam adroho nātimānitā | bhavanti saṃpadaṃ daivīm abhijātasya bhārata ||3||
-
4
虚伪、傲慢、过分骄傲、愤怒、粗暴和无知,阿周那啊,这些是生来具有魔性禀赋的人所具备的。
दम्भो दर्पो ऽतिमानश् च क्रोधः पारुष्यम् एव च । अज्ञानं चाभिजातस्य पार्थ संपदम् आसुरीम् ॥४॥
dambho darpo 'timānaś ca krodhaḥ pāruṣyam eva ca | ajñānaṃ cābhijātasya pārtha saṃpadam āsurīm ||4||
-
5
神性禀赋导向解脱,魔性禀赋则导致束缚。不要担忧,阿周那啊,你生来就具有神性禀赋。
दैवी संपद् विमोक्षाय निबन्धायासुरी मता । मा शुचः संपदं दैवीम् अभिजातो ऽसि पाण्डव ॥५॥
daivī saṃpad vimokṣāya nibandhāyāsurī matā | mā śucaḥ saṃpadaṃ daivīm abhijāto 'si pāṇḍava ||5||
-
6
在这个世界上,众生有两种:神性的与魔性的。神性的我已经详细讲过了,阿周那啊,现在听我讲魔性的。
द्वौ भूतसर्गौ लोके ऽस्मिन् दैव आसुर एव च । दैवो विस्तरशः प्रोक्त आसुरं पार्थ मे शृणु ॥६॥
dvau bhūta-sargau loke 'smin daiva āsura eva ca | daivo vistaraśaḥ prokta āsuraṃ pārtha me śṛṇu ||6||
-
7
魔性的人不懂得什么该做、什么不该做;他们身上没有清净,没有良好的行为,也没有真实。
प्रवृत्तिं च निवृत्तिं च जना न विदुर् आसुराः । न शौचं नापि चाचारो न सत्यं तेषु विद्यते ॥७॥
pravṛttiṃ ca nivṛttiṃ ca janā na vidur āsurāḥ | na śaucaṃ nāpi cācāro na satyaṃ teṣu vidyate ||7||
-
8
还有,他们说这个世界不真实,没有根基,没有主宰,只是(男女)彼此结合而生,除了欲望之外还能有什么原因?
असत्यम् अप्रतिष्ठं ते जगद् आहुर् अनीश्वरम् । अपरस्परसंभूतं किम् अन्यत् कामहैतुकम् ॥८॥
asatyam apratiṣṭhaṃ te jagad āhur anīśvaram | aparaspara-saṃbhūtaṃ kim anyat kāma-haitukam ||8||
-
9
抱持这种见解,这些失去了自我、智慧浅薄、行为凶暴的人,成为世界的祸害,起来毁灭世界。
एतां दृष्टिम् अवष्टभ्य नष्टात्मानो ऽल्पबुद्धयः । प्रभवन्त्य् उग्रकर्माणः क्षयाय जगतो ऽहिताः ॥९॥
etāṃ dṛṣṭim avaṣṭabhya naṣṭātmāno 'lpa-buddhayaḥ | prabhavanty ugra-karmāṇaḥ kṣayāya jagato 'hitāḥ ||9||
-
10
他们依附于永远填不满的欲望,满怀虚伪、骄傲和狂妄,出于迷惑而抱着错误的执念,立下不洁的誓愿去行事。
कामम् आश्रित्य दुष्पूरं दम्भमानमदान्विताः । मोहाद् गृहीत्वासद्ग्राहान् प्रवर्तन्ते ऽशुचिव्रताः ॥१०॥
kāmam āśritya duṣpūraṃ dambha-māna-madānvitāḥ | mohād gṛhītvāsad-grāhān pravartante 'śucivratāḥ ||10||
-
11
还有,他们满怀直到死亡才会结束的无尽忧虑,把满足欲望当作最高目标,认定「人生不过如此」;
चिन्ताम् अपरिमेयां च प्रलयान्ताम् उपाश्रिताः । कामोपभोगपरमा एतावद् इति निश्चिताः ॥११॥
cintām aparimeyāṃ ca pralayāntām upāśritāḥ | kāmopabhoga-paramā etāvad iti niścitāḥ ||11||
-
12
被成百条希望的绳索捆住,一心沉溺于欲望和愤怒,为了满足欲望而不择手段地积聚财富。
आशापाशशतैर् बद्धाः कामक्रोधपरायणाः । ईहन्ते कामभोगार्थम् अन्यायेनार्थसंचयान् ॥१२॥
āśā-pāśa-śatair baddhāḥ kāma-krodha-parāyaṇāḥ | īhante kāma-bhogārtham anyāyenārtha-saṃcayān ||12||
-
13
「今天我得到了这个,我还会实现那个心愿;这些已经是我的了,那份财富将来也会是我的。
इदम् अद्य मया लब्धम् इदं प्राप्स्ये मनोरथम् । इदम् अस्तीदम् अपि मे भविष्यति पुनर् धनम् ॥१३॥
idam adya mayā labdham idaṃ prāpsye manoratham | idam astīdam api me bhaviṣyati punar dhanam ||13||
-
14
那个敌人已经被我杀了,其他的我也要杀掉。我是主宰,我是享受者,我是成功者,我强大又幸福。
असौ मया हतः शत्रुर् हनिष्ये चापरान् अपि । ईश्वरो ऽहम् अहं भोगी सिद्धो ऽहं बलवान् सुखी ॥१४॥
asau mayā hataḥ śatrur haniṣye cāparān api | īśvaro 'ham ahaṃ bhogī siddho 'haṃ balavān sukhī ||14||
-
15
我富有,出身高贵,谁能和我相比?我要举行祭祀,我要布施,我要尽情享乐。」——他们就这样被无知迷惑。
आढ्यो ऽभिजनवान् अस्मि को ऽन्यो ऽस्ति सदृशो मया । यक्ष्ये दास्यामि मोदिष्य इत्य् अज्ञानविमोहिताः ॥१५॥
āḍhyo 'bhijanavān asmi ko 'nyo 'sti sadṛśo mayā | yakṣye dāsyāmi modiṣya ity ajñāna-vimohitāḥ ||15||
-
16
他们被种种念头搅得心神错乱,被迷惑之网罩住,沉溺于欲望的享受,堕入污秽的地狱。
अनेकचित्तविभ्रान्ता मोहजालसमावृताः । प्रसक्ताः कामभोगेषु पतन्ति नरके ऽशुचौ ॥१६॥
aneka-citta-vibhrāntā moha-jāla-samāvṛtāḥ | prasaktāḥ kāma-bhogeṣu patanti narake 'śucau ||16||
-
17
他们自以为了不起,顽固不化,满怀因财富和名誉而来的狂妄,徒具虚名地举行祭祀,只为炫耀,不依规矩。
आत्मसंभाविताः स्तब्धा धनमानमदान्विताः । यजन्ते नामयज्ञैस् ते दम्भेनाविधिपूर्वकम् ॥१७॥
ātma-saṃbhāvitāḥ stabdhā dhana-māna-madānvitāḥ | yajante nāma-yajñais te dambhenāvidhi-pūrvakam ||17||
-
18
他们依仗我慢、暴力、傲慢、欲望和愤怒,憎恨住在自己和他人身体里的我,满怀嫉妒。
注 1
- 梵文本
- 此颂开头有一串「=」号,是电子本的排版残留,不是经文。
अहंकारं बलं दर्पं कामं क्रोधं च संश्रिताः । माम् आत्मपरदेहेषु प्रद्विषन्तो ऽभ्यसूयकाः ॥१८॥
ahaṃkāraṃ balaṃ darpaṃ kāmaṃ krodhaṃ ca saṃśritāḥ | mām ātma-para-deheṣu pradviṣanto 'bhyasūyakāḥ ||18||
-
19
这些心怀憎恨、残暴、在生死轮回中最卑劣的不祥之人,我一再把他们抛入魔性的胎中。
तान् अहं द्विषतः क्रूरान् संसारेषु नराधमान् । क्षिपाम्य् अजस्रम् अशुभान् आसुरीष्व् एव योनिषु ॥१९॥
tān ahaṃ dviṣataḥ krūrān saṃsāreṣu narādhamān | kṣipāmy ajasram aśubhān āsurīṣv eva yoniṣu ||19||
-
20
阿周那啊,这些愚痴的人落入魔性的胎,一世又一世都达不到我,于是走向更低下的归宿。
आसुरीं योनिम् आपन्ना मूढा जन्मनि जन्मनि । माम् अप्राप्यैव कौन्तेय ततो यान्त्य् अधमां गतिम् ॥२०॥
āsurīṃ yonim āpannā mūḍhā janmani janmani | mām aprāpyaiva kaunteya tato yānty adhamāṃ gatim ||20||
-
21
通往地狱、毁灭自我的门有三道:欲望、愤怒和贪婪。所以应当舍弃这三样。
त्रिविधं नरकस्येदं द्वारं नाशनम् आत्मनः । कामः क्रोधस् तथा लोभस् तस्माद् एतत् त्रयं त्यजेत् ॥२१॥
tri-vidhaṃ narakasyedaṃ dvāraṃ nāśanam ātmanaḥ | kāmaḥ krodhas tathā lobhas tasmād etat trayaṃ tyajet ||21||
-
22
阿周那啊,人摆脱了这三道黑暗之门,就会做对自己真正有益的事,于是走向至高的归宿。
एतैर् विमुक्तः कौन्तेय तमोद्वारैस् त्रिभिर् नरः । आचरत्य् आत्मनः श्रेयस् ततो याति परां गतिम् ॥२२॥
etair vimuktaḥ kaunteya tamo-dvārais tribhir naraḥ | ācaraty ātmanaḥ śreyas tato yāti parāṃ gatim ||22||
-
23
谁抛开经典的规定,随着欲望任意而行,他既得不到圆满,也得不到快乐,更达不到至高的归宿。
यः शास्त्रविधिम् उत्सृज्य वर्तते कामकारतः । न स सिद्धिम् अवाप्नोति न सुखं न परां गतिम् ॥२३॥
yaḥ śāstra-vidhim utsṛjya vartate kāma-kārataḥ | na sa siddhim avāpnoti na sukhaṃ na parāṃ gatim ||23||
-
24
所以,在判定什么该做、什么不该做时,应当以经典为准则。了解了经典规定的行为,你就应该在这世上去做。
तस्माच् छास्त्रं प्रमाणं ते कार्याकार्यव्यवस्थितौ । ज्ञात्वा शास्त्रविधानोक्तं कर्म कर्तुम् इहार्हसि ॥२४॥
tasmāc chāstraṃ pramāṇaṃ te kāryākārya-vyavasthitau | jñātvā śāstra-vidhānoktaṃ karma kartum ihārhasi ||24||