薄伽梵歌 · 第三章 · 行动瑜伽 KarmayogaBhagavadgītā
-
1
阿周那说:「黑天啊,如果你认为智慧比行动更好,那为什么还要我去做这可怕的事?」
अर्जुन उवाच ज्यायसी चेत् कर्मणस् ते मता बुद्धिर् जनार्दन । तत् किं कर्मणि घोरे मां नियोजयसि केशव ॥१॥
arjuna uvāca jyāyasī cet karmaṇas te matā buddhir janārdana | tat kiṃ karmaṇi ghore māṃ niyojayasi keśava ||1||
-
2
「你这些似乎混杂矛盾的话,好像把我弄糊涂了。请明确告诉我一条路,让我能借它得到至善。」
व्यामिश्रेणेव वाक्येन बुद्धिं मोहयसीव मे । तद् एकं वद निश्चित्य येन श्रेयो ऽहम् आप्नुयाम् ॥२॥
vyāmiśreṇeva vākyena buddhiṃ mohayasīva me | tad ekaṃ vada niścitya yena śreyo 'ham āpnuyām ||2||
-
3
世尊说:「无罪的人啊,我从前说过,这世上有两种修行之道:数论派走知识瑜伽,瑜伽派走行动瑜伽。」
注 1
- 知识瑜伽与行动瑜伽
- jñāna-yoga 靠认识真理得解脱;karma-yoga 靠不执着地尽职行动得解脱。本章讲的主要是后者。
श्रीभगवान् उवाच लोके ऽस्मिन् द्विविधा निष्ठा पुरा प्रोक्ता मयानघ । ज्ञानयोगेन सांख्यानां कर्मयोगेन योगिनाम् ॥३॥
śrī-bhagavān uvāca loke 'smin dvividhā niṣṭhā purā proktā mayānagha | jñāna-yogena sāṃkhyānāṃ karma-yogena yoginām ||3||
-
4
「人不是靠不开始行动就能达到无为,也不是单靠出家舍弃就能达到圆满。」
注 2
- 无为
- naiṣkarmya,「摆脱行动」,指行动不再束缚人的境界,不等于什么都不做。
- 舍弃 saṃnyāsa
- 放弃世俗行动和家庭生活的出家修行。
न कर्मणाम् अनारम्भान् नैष्कर्म्यं पुरुषो ऽश्नुते । न च संन्यसनाद् एव सिद्धिं समधिगच्छति ॥४॥
na karmaṇām anārambhān naiṣkarmyaṃ puruṣo 'śnute | na ca saṃnyasanād eva siddhiṃ samadhigacchati ||4||
-
5
「因为没有人能哪怕一刻不做事;每个人都不由自主地被原质所生的三德推动着去行动。」
注 1
- 原质 prakṛti
- 也译「自性、自然」,构成身心与物质世界的根本质料,由三德组成。
न हि कश्चित् क्षणम् अपि जातु तिष्ठत्य् अकर्मकृत् । कार्यते ह्य् अवशः कर्म सर्वः प्रकृतिजैर् गुणैः ॥५॥
na hi kaścit kṣaṇam api jātu tiṣṭhaty akarmakṛt | kāryate hy avaśaḥ karma sarvaḥ prakṛtijair guṇaiḥ ||5||
-
6
「控制了行动器官,心里却还在惦记感官对象,这种糊涂人叫作伪善者。」
कर्मेन्द्रियाणि संयम्य य आस्ते मनसा स्मरन् । इन्द्रियार्थान् विमूढात्मा मिथ्याचारः स उच्यते ॥६॥
karmendriyāṇi saṃyamya ya āste manasā smaran | indriyārthān vimūḍhātmā mithyācāraḥ sa ucyate ||6||
-
7
「阿周那,而用心控制住感官、毫无执着地用行动器官去实行行动瑜伽的人,才是出众的。」
यस् त्व् इन्द्रियाणि मनसा नियम्यारभते ऽर्जुन । कर्मेन्द्रियैः कर्मयोगम् असक्तः स विशिष्यते ॥७॥
yas tv indriyāṇi manasā niyamyārabhate 'rjuna | karmendriyaiḥ karma-yogam asaktaḥ sa viśiṣyate ||7||
-
8
「去做你分内该做的事吧,行动比不行动好;如果什么都不做,你连维持身体的生活都做不到。」
नियतं कुरु कर्म त्वं कर्म ज्यायो ह्य् अकर्मणः । शरीरयात्रापि च ते न प्रसिध्येद् अकर्मणः ॥८॥
niyataṃ kuru karma tvaṃ karma jyāyo hy akarmaṇaḥ | śarīrayātrāpi ca te na prasidhyed akarmaṇaḥ ||8||
-
9
「除了为祭祀而做的行动,这世间的人都被行动束缚着。贡蒂之子,为了祭祀,抛开执着去行动吧。」
注 1
- 祭祀 yajña
- 本指向诸神献供的仪式。黑天把它扩大为一切出于奉献、不为私利的行动。
यज्ञार्थात् कर्मणो ऽन्यत्र लोको ऽयं कर्मबन्धनः । तद् अर्थं कर्म कौन्तेय मुक्तसङ्गः समाचर ॥९॥
yajñārthāt karmaṇo 'nyatra loko 'yaṃ karma-bandhanaḥ | tad arthaṃ karma kaunteya muktasaṅgaḥ samācara ||9||
-
10
「太初时,生主创造众生,同时创造了祭祀,说:『靠它繁衍吧,愿它成为满足你们一切愿望的如意牛。』」
注 1
- 生主
- Prajāpati,创造众生的神。
सहयज्ञाः प्रजाः सृष्ट्वा पुरोवाच प्रजापतिः । अनेन प्रसविष्यध्वम् एष वो ऽस्त्व् इष्टकामधुक् ॥१०॥
saha-yajñāḥ prajāḥ sṛṣṭvā purovāca prajāpatiḥ | anena prasaviṣyadhvam eṣa vo 'stv iṣṭa-kāma-dhuk ||10||
-
11
「『用它供养诸神,让诸神也养育你们;彼此滋养,你们就会得到至高的福祉。』」
देवान् भावयतानेन ते देवा भावयन्तु वः । परस्परं भावयन्तः श्रेयः परम् अवाप्स्यथ ॥११॥
devān bhāvayatānena te devā bhāvayantu vaḥ | parasparaṃ bhāvayantaḥ śreyaḥ param avāpsyatha ||11||
-
12
「『受了祭祀供养的诸神,会赐给你们想要的享受。』享用诸神所赐却不回馈他们的人,就是小偷。」
इष्टान् भोगान् हि वो देवा दास्यन्ते यज्ञभाविताः । तैर् दत्तान् अप्रदायैभ्यो यो भुङ्क्ते स्तेन एव सः ॥१२॥
iṣṭān bhogān hi vo devā dāsyante yajña-bhāvitāḥ | tair dattān apradāyaibhyo yo bhuṅkte stena eva saḥ ||12||
-
13
「吃祭祀剩余食物的善人,能摆脱一切罪过;而只为自己做饭的恶人,吃下的其实是罪孽。」
यज्ञशिष्टाशिनः सन्तो मुच्यन्ते सर्वकिल्बिषैः । भुञ्जते ते त्व् अघं पापा ये पचन्त्य् आत्मकारणात् ॥१३॥
yajña-śiṣṭāśinaḥ santo mucyante sarva-kilbiṣaiḥ | bhuñjate te tv aghaṃ pāpā ye pacanty ātma-kāraṇāt ||13||
-
14
「众生靠食物而生,食物靠雨水而生,雨水因祭祀而来,祭祀从行动中产生。」
अन्नाद् भवन्ति भूतानि पर्जन्याद् अन्नसंभवः । यज्ञाद् भवति पर्जन्यो यज्ञः कर्मसमुद्भवः ॥१४॥
annād bhavanti bhūtāni parjanyād anna-saṃbhavaḥ | yajñād bhavati parjanyo yajñaḥ karma-samudbhavaḥ ||14||
-
15
「要知道,行动来自梵(吠陀),梵来自不灭者。所以,遍及一切的梵永远立足于祭祀之中。」
注 1
- 梵
- 这一颂的 brahman,多数注家理解为吠陀经典(规定行动的圣典),不是前面说的终极实在;也有人坚持后者。
कर्म ब्रह्मोद्भवं विद्धि ब्रह्माक्षरसमुद्भवम् । तस्मात् सर्वगतं ब्रह्म नित्यं यज्ञे प्रतिष्ठितम् ॥१५॥
karma brahmodbhavaṃ viddhi brahmākṣara-samudbhavam | tasmāt sarva-gataṃ brahma nityaṃ yajñe pratiṣṭhitam ||15||
-
16
「阿周那,在这世上不随着这样运转的轮子一起转,耽于感官享乐、一生罪孽的人,是白白活着。」
एवं प्रवर्तितं चक्रं नानुवर्तयतीह यः । अघायुर् इन्द्रियारामो मोघं पार्थ स जीवति ॥१६॥
evaṃ pravartitaṃ cakraṃ nānuvartayatīha yaḥ | aghāyur indriyārāmo moghaṃ pārtha sa jīvati ||16||
-
17
「但一个只以真我为乐、在真我中满足、在真我中安然的人,就没有什么必须做的事了。」
यस् त्व् आत्मरतिर् एव स्याद् आत्मतृप्तश् च मानवः । आत्मन्य् एव च संतुष्टस् तस्य कार्यं न विद्यते ॥१७॥
yas tv ātma-ratir eva syād ātma-tṛptaś ca mānavaḥ | ātmany eva ca saṃtuṣṭas tasya kāryaṃ na vidyate ||17||
-
18
「他在这世上,做了无所得,不做也无所失;他对任何众生都无所依赖。」
नैव तस्य कृतेनार्थो नाकृतेनेह कश्चन । न चास्य सर्वभूतेषु कश्चिद् अर्थव्यपाश्रयः ॥१८॥
naiva tasya kṛtenārtho nākṛteneha kaścana | na cāsya sarva-bhūteṣu kaścid artha-vyapāśrayaḥ ||18||
-
19
「所以,始终不带执着地去做该做的事吧;不带执着地行动,人就能达到至高者。」
तस्माद् असक्तः सततं कार्यं कर्म समाचर । असक्तो ह्य् आचरन् कर्म परम् आप्नोति पूरुषः ॥१९॥
tasmād asaktaḥ satataṃ kāryaṃ karma samācara | asakto hy ācaran karma param āpnoti pūruṣaḥ ||19||
-
20
「遮那迦(Janaka,以贤明著称的古代国王)等人正是通过行动达到圆满的。为了维系世间,你也应当行动。」
注 1
- 维系世间
- loka-saṃgraha,让世界和社会秩序维持下去,也有给众人做榜样的意思。
कर्मणैव हि संसिद्धिम् आस्थिता जनकादयः । लोकसंग्रहम् एवापि संपश्यन् कर्तुम् अर्हसि ॥२०॥
karmaṇaiva hi saṃsiddhim āsthitā janakādayaḥ | loka-saṃgraham evāpi saṃpaśyan kartum arhasi ||20||
-
21
「杰出的人怎么做,别人就跟着怎么做;他立下什么标准,世人就随之遵循。」
यद् यद् आचरति श्रेष्ठस् तत् तद् एवेतरो जनः । स यत् प्रमाणं कुरुते लोकस् तद् अनुवर्तते ॥२१॥
yad yad ācarati śreṣṭhas tat tad evetaro janaḥ | sa yat pramāṇaṃ kurute lokas tad anuvartate ||21||
-
22
「阿周那,在三界中我没有任何必须做的事,也没有什么该得而未得的东西,可我仍然在行动。」
न मे पार्थास्ति कर्तव्यं त्रिषु लोकेषु किंचन । नानवाप्तम् अवाप्तव्यं वर्तैव च कर्मणि ॥२२॥
na me pārthāsti kartavyaṃ triṣu lokeṣu kiṃcana | nānavāptam avāptavyaṃ vartaiva ca karmaṇi ||22||
-
23
「如果我有一刻不孜孜不倦地行动,阿周那,人们就会处处跟着我走这条路。」
यदि ह्य् अहं न वर्तेयं जातु कर्मण्य् अतन्द्रितः । मम वर्त्मानुवर्तन्ते मनुष्याः पार्थ सर्वशः ॥२३॥
yadi hy ahaṃ na varteyaṃ jātu karmaṇy atandritaḥ | mama vartmānuvartante manuṣyāḥ pārtha sarvaśaḥ ||23||
-
24
「如果我不行动,这些世界就会毁灭;我就成了混乱的制造者,毁掉这些众生。」
उत्सीदेयुर् इमे लोका न कुर्यां कर्म चेद् अहम् । संकरस्य च कर्ता स्याम् उपहन्याम् इमाः प्रजाः ॥२४॥
utsīdeyur ime lokā na kuryāṃ karma ced aham | saṃkarasya ca kartā syām upahanyām imāḥ prajāḥ ||24||
-
25
「阿周那,无知的人执着于行动而去做事;有智慧的人也应当同样去做,只是不带执着,为的是维系世间。」
सक्ताः कर्मण्य् अविद्वांसो यथा कुर्वन्ति भारत । कुर्याद् विद्वांस् तथासक्तश् चिकीर्षुर् लोकसंग्रहम् ॥२५॥
saktāḥ karmaṇy avidvāṃso yathā kurvanti bhārata | kuryād vidvāṃs tathāsaktaś cikīrṣur loka-saṃgraham ||25||
-
26
「有智慧的人不应当扰乱那些执着于行动的无知者的心,而应当自己专心去做一切事,引导他们乐于行动。」
न बुद्धिभेदं जनयेद् अज्ञानां कर्मसङ्गिनाम् । जोषयेत् सर्वकर्माणि विद्वान् युक्तः समाचरन् ॥२६॥
na buddhi-bhedaṃ janayed ajñānāṃ karma-saṅginām | joṣayet sarva-karmāṇi vidvān yuktaḥ samācaran ||26||
-
27
「一切行动其实都是原质的三德在做;被『我』的错觉迷住的人,却以为『我是做事者』。」
注 1
- 我执 ahaṃkāra
- 「造出『我』的东西」,把身心的活动当成「我」在做的那种自我意识。
प्रकृतेः क्रियमाणानि गुणैः कर्माणि सर्वशः । अहंकारविमूढात्मा कर्ताहम् इति मन्यते ॥२७॥
prakṛteḥ kriyamāṇāni guṇaiḥ karmāṇi sarvaśaḥ | ahaṃkāra-vimūḍhātmā kartāham iti manyate ||27||
-
28
「大臂者啊,懂得三德与行动各自真相的人,明白『是三德在三德之间运作』,所以不会执着。」
तत्त्ववित् तु महाबाहो गुणकर्मविभागयोः । गुणा गुणेषु वर्तन्त इति मत्वा न सज्जते ॥२८॥
tattvavit tu mahābāho guṇa-karma-vibhāgayoḥ | guṇā guṇeṣu vartanta iti matvā na sajjate ||28||
-
29
「被原质三德迷惑的人,执着于三德的作用;了解全部真相的人,不要去动摇那些所知不全的愚钝者。」
प्रकृतेर् गुणसंमूढाः सज्जन्ते गुणकर्मसु । तान् अकृत्स्नविदो मन्दान् कृत्स्नविन् न विचालयेत् ॥२९॥
prakṛter guṇa-saṃmūḍhāḥ sajjante guṇa-karmasu | tān akṛtsna-vido mandān kṛtsnavin na vicālayet ||29||
-
30
「把一切行动都托付给我,心安住在真我上,不抱期望,不执『我的』,摆脱焦虑去战斗吧。」
मयि सर्वाणि कर्माणि संन्यस्याध्यात्मचेतसा । निराशीर् निर्ममो भूत्वा युध्यस्व विगतज्वरः ॥३०॥
mayi sarvāṇi karmāṇi saṃnyasyādhyātma-cetasā | nirāśīr nirmamo bhūtvā yudhyasva vigata-jvaraḥ ||30||
-
31
「那些怀着信心、不挑剔,始终遵行我这一教导的人,也能从行动的束缚中解脱。」
ये मे मतम् इदं नित्यम् अनुतिष्ठन्ति मानवाः । श्रद्धावन्तो ऽनसूयन्तो मुच्यन्ते ते ऽपि कर्मभिः ॥३१॥
ye me matam idaṃ nityam anutiṣṭhanti mānavāḥ | śraddhāvanto 'nasūyanto mucyante te 'pi karmabhiḥ ||31||
-
32
「而那些挑剔我的教导、不去遵行的人,你要知道,他们对一切知识都糊涂,没有头脑,注定迷失。」
ये त्व् एतद् अभ्यसूयन्तो नानुतिष्ठन्ति मे मतम् । सर्वज्ञानविमूढांस् तान् विद्धि नष्टान् अचेतसः ॥३२॥
ye tv etad abhyasūyanto nānutiṣṭhanti me matam | sarva-jñāna-vimūḍhāṃs tān viddhi naṣṭān acetasaḥ ||32||
-
33
「即使有智慧的人,也按自己的本性行事;众生都随顺本性,强行压制又有什么用?」
सदृशं चेष्टते स्वस्याः प्रकृतेर् ज्ञानवान् अपि । प्रकृतिं यान्ति भूतानि निग्रहः किं करिष्यति ॥३३॥
sadṛśaṃ ceṣṭate svasyāḥ prakṛter jñānavān api | prakṛtiṃ yānti bhūtāni nigrahaḥ kiṃ kariṣyati ||33||
-
34
「每种感官对它的对象,都潜伏着贪爱和憎恶;不要落入它们的掌控,因为它们是人的拦路贼。」
इन्द्रियस्येन्द्रियस्यार्थे रागद्वेषौ व्यवस्थितौ । तयोर् न वशम् आगच्छेत् तौ ह्य् अस्य परिपन्थिनौ ॥३४॥
indriyasyendriyasyārthe rāga-dveṣau vyavasthitau | tayor na vaśam āgacchet tau hy asya paripanthinau ||34||
-
35
「自己的职责即使做得不完美,也胜过把别人的职责做得很好;死在自己的职责上更好,别人的职责充满危险。」
श्रेयान् स्वधर्मो विगुणः परधर्मात् स्वनुष्ठितात् । स्वधर्मे निधनं श्रेयः परधर्मो भयावहः ॥३५॥
śreyān sva-dharmo viguṇaḥ para-dharmāt svanuṣṭhitāt | sva-dharme nidhanaṃ śreyaḥ para-dharmo bhayāvahaḥ ||35||
-
36
(阿周那说:)「黑天啊,那么,是什么驱使人去犯罪,即使他不愿意,也像被强迫一样?」
अथ केन प्रयुक्तो ऽयं पापं चरति पूरुषः । अनिच्छन्न् अपि वार्ष्णेय बलाद् इव नियोजितः ॥३६॥
atha kena prayukto 'yaṃ pāpaṃ carati pūruṣaḥ | anicchann api vārṣṇeya balād iva niyojitaḥ ||36||
-
37
(世尊说:)「那就是欲望,就是愤怒,它们从激情(罗阇)之德生出;它贪吃无厌,罪大恶极,要知道它就是这世上的敌人。」
काम एष क्रोध एष रजोगुणसमुद्भवः । महाशनो महापाप्मा विद्ध्य् एनम् इह वैरिणम् ॥३७॥
kāma eṣa krodha eṣa rajo-guṇa-samudbhavaḥ | mahāśano mahā-pāpmā viddhy enam iha vairiṇam ||37||
-
38
「就像火被烟遮住,镜子被灰尘遮住,胎儿被胎膜包住,这一切(知识)也被它遮住了。」
धूमेनाव्रियते वह्निर् यथादर्शो मलेन च । यथोल्बेनावृतो गर्भस् तथा तेनेदम् आवृतम् ॥३८॥
dhūmenāvriyate vahnir yathādarśo malena ca | yatholbenāvṛto garbhas tathā tenedam āvṛtam ||38||
-
39
「贡蒂之子,智者的知识被这永恒的敌人遮蔽了,它以欲望为形,像火一样永远填不满。」
आवृतं ज्ञानम् एतेन ज्ञानिनो नित्यवैरिणा । कामरूपेण कौन्तेय दुष्पूरेणानलेन च ॥३९॥
āvṛtaṃ jñānam etena jñānino nitya-vairiṇā | kāma-rūpeṇa kaunteya duṣpūreṇānalena ca ||39||
-
40
「感官、心意和理智,据说是它的据点;它借着这些遮蔽知识,迷惑有身者。」
इन्द्रियाणि मनो बुद्धिर् अस्याधिष्ठानम् उच्यते । एतैर् विमोहयत्य् एष ज्ञानम् आवृत्य देहिनम् ॥४०॥
indriyāṇi mano buddhir asyādhiṣṭhānam ucyate | etair vimohayaty eṣa jñānam āvṛtya dehinam ||40||
-
41
「所以,婆罗多族的雄牛啊,你先控制住感官,再除掉这个毁坏知识与证悟的罪魁。」
तस्मात् त्वम् इन्द्रियाण्य् आदौ नियम्य भरतर्षभ । पाप्मानं प्रजहि ह्य् एनं ज्ञानविज्ञाननाशनम् ॥४१॥
tasmāt tvam indriyāṇy ādau niyamya bharatarṣabha | pāpmānaṃ prajahi hy enaṃ jñāna-vijñāna-nāśanam ||41||
-
42
「人们说,感官很高,心意比感官更高,理智比心意更高,而比理智还高的,就是那一位(真我)。」
इन्द्रियाणि पराण्य् आहुर् इन्द्रियेभ्यः परं मनः । मनसस् तु परा बुद्धिर् यो बुद्धेः परतस् तु सः ॥४२॥
indriyāṇi parāṇy āhur indriyebhyaḥ paraṃ manaḥ | manasas tu parā buddhir yo buddheḥ paratas tu saḥ ||42||
-
43
「大臂者啊,这样认识了比理智更高的那一位,用自己稳住自己,杀死这个以欲望为形、难以对付的敌人吧。」
एवं बुद्धेः परं बुद्ध्वा संस्तभ्यात्मानम् आत्मना । जहि शत्रुं महाबाहो कामरूपं दुरासदम् ॥४३॥
evaṃ buddheḥ paraṃ buddhvā saṃstabhyātmānam ātmanā | jahi śatruṃ mahābāho kāma-rūpaṃ durāsadam ||43||