薄伽梵歌 · 第四章 · 知识与舍弃行动的瑜伽 JñānakarmasaṃnyāsayogaBhagavadgītā
-
1
世尊说:「我把这不朽的瑜伽传给了太阳神毗婆薮(Vivasvat),毗婆薮传给了人类始祖摩奴(Manu),摩奴又传给了甘蔗王(Ikṣvāku,太阳王朝的始祖)。」
श्रीभगवान् उवाच इमं विवस्वते योगं प्रोक्तवान् अहम् अव्ययम् । विवस्वान् मनवे प्राह मनुर् इक्ष्वाकवे ऽब्रवीत् ॥१॥
śrī-bhagavān uvāca imaṃ vivasvate yogaṃ proktavān aham avyayam | vivasvān manave prāha manur ikṣvākave 'bravīt ||1||
-
2
「就这样代代相传,王仙们都懂得它;可是,克敌者啊,经过漫长的岁月,这瑜伽在世上失传了。」
注 1
- 王仙
- rājarṣi,有圣人修为的国王。
एवं परम्पराप्राप्तम् इमं राजर्षयो विदुः । स कालेनेह महता योगो नष्टः परन्तप ॥२॥
evaṃ paramparā-prāptam imaṃ rājarṣayo viduḥ | sa kāleneha mahatā yogo naṣṭaḥ parantapa ||2||
-
3
「今天我把这同一个古老的瑜伽讲给你,因为你是我的信徒和朋友;这是至高的秘密。」
注 1
- 虔爱 bhakti
- 「信徒」原文是 bhakta,来自 bhakti:对神全心的爱与皈依。这是本书越往后越重要的一条路。
स एवायं मया ते ऽद्य योगः प्रोक्तः पुरातनः । भक्तो ऽसि मे सखा चेति रहस्यं ह्य् एतद् उत्तमम् ॥३॥
sa evāyaṃ mayā te 'dya yogaḥ proktaḥ purātanaḥ | bhakto 'si me sakhā ceti rahasyaṃ hy etad uttamam ||3||
-
4
(阿周那说:)「你出生在后,毗婆薮出生在前,我怎么理解你说你在最初就传授了它呢?」
अपरं भवतो जन्म परं जन्म विवस्वतः । कथम् एतद् विजानीयां त्वम् आदौ प्रोक्तवान् इति ॥४॥
aparaṃ bhavato janma paraṃ janma vivasvataḥ | katham etad vijānīyāṃ tvam ādau proktavān iti ||4||
-
5
(世尊说:)「阿周那,我和你都已经过了许多次出生。我知道它们全部,你却不知道,克敌者啊。」
बहूनि मे व्यतीतानि जन्मानि तव चार्जुन । तान्य् अहं वेद सर्वाणि न त्वं वेत्थ परन्तप ॥५॥
bahūni me vyatītāni janmāni tava cārjuna | tāny ahaṃ veda sarvāṇi na tvaṃ vettha parantapa ||5||
-
6
「我虽然不生,本性不灭,又是众生之主,却借着驾驭我自己的原质,凭自己的幻力降生。」
注 1
- 幻力 māyā
- 神显现世界、显现自身形象的奇妙力量;在别处也指让众生看不清真相的迷障。
अजो ऽपि सन्न् अव्ययात्मा भूतानाम् ईश्वरो ऽपि सन् । प्रकृतिं स्वाम् अधिष्ठाय संभवाम्य् आत्ममायया ॥६॥
ajo 'pi sann avyayātmā bhūtānām īśvaro 'pi san | prakṛtiṃ svām adhiṣṭhāya saṃbhavāmy ātma-māyayā ||6||
-
7
「阿周那,每当正法衰微、非法抬头,我就让自己降生。」
注 1
- 化身
- 这就是「化身」(avatāra)思想:神为维护正法一再降生为人或动物。黑天被看作毗湿奴的化身之一。
यदा यदा हि धर्मस्य ग्लानिर् भवति भारत । अभ्युत्थानम् अधर्मस्य तदात्मानं सृजाम्य् अहम् ॥७॥
yadā yadā hi dharmasya glānir bhavati bhārata | abhyutthānam adharmasya tadātmānaṃ sṛjāmy aham ||7||
-
8
「为了保护善人,消灭恶人,重建正法,我一个时代又一个时代地降生。」
परित्राणाय साधूनां विनाशाय च दुष्कृताम् । धर्मसंस्थापनार्थाय संभवामि युगे युगे ॥८॥
paritrāṇāya sādhūnāṃ vināśāya ca duṣkṛtām | dharma-saṃsthāpanārthāya saṃbhavāmi yuge yuge ||8||
-
9
「阿周那,谁如实懂得我神圣的出生与作为,他舍弃身体后就不会再出生,而是来到我这里。」
जन्म कर्म च मे दिव्यम् एवं यो वेत्ति तत्त्वतः । त्यक्त्वा देहं पुनर् जन्म नैति माम् एति सो ऽर्जुन ॥९॥
janma karma ca me divyam evaṃ yo vetti tattvataḥ | tyaktvā dehaṃ punar janma naiti mām eti so 'rjuna ||9||
-
10
「许多人摆脱了贪恋、恐惧和愤怒,心中充满我,以我为依靠,被知识的苦行净化,达到了我的境界。」
注 1
- 苦行 tapas
- 本义「热」,指通过自我克制和磨炼产生的修行力量。
वीतरागभयक्रोधा मन्मया माम् उपाश्रिताः । बहवो ज्ञानतपसा पूता मद्भावम् आगताः ॥१०॥
vīta-rāga-bhaya-krodhā man-mayā mām upāśritāḥ | bahavo jñāna-tapasā pūtā mad-bhāvam āgatāḥ ||10||
-
11
「人们怎样归向我,我就怎样回应他们;阿周那,人们处处走的都是我的路。」
ये यथा मां प्रपद्यन्ते तांस् तथैव भजाम्य् अहम् । मम वर्त्मानुवर्तन्ते मनुष्याः पार्थ सर्वशः ॥११॥
ye yathā māṃ prapadyante tāṃs tathaiva bhajāmy aham | mama vartmānuvartante manuṣyāḥ pārtha sarvaśaḥ ||11||
-
12
「渴望行动成功的人,在这世上祭拜诸神;因为在人间,行动带来的成功来得很快。」
काङ्क्षन्तः कर्मणां सिद्धिं यजन्त इह देवताः । क्षिप्रं हि मानुषे लोके सिद्धिर् भवति कर्मजा ॥१२॥
kāṅkṣantaḥ karmaṇāṃ siddhiṃ yajanta iha devatāḥ | kṣipraṃ hi mānuṣe loke siddhir bhavati karmajā ||12||
-
13
「四种姓是我按照三德与行动的分别创造的。要知道,我虽是它的创造者,却是不做者、不变者。」
चातुर्वर्ण्यं मया सृष्टं गुणकर्मविभागशः । तस्य कर्तारम् अपि मां विद्ध्य् अकर्तारम् अव्ययम् ॥१३॥
cātur-varṇyaṃ mayā sṛṣṭaṃ guṇa-karma-vibhāgaśaḥ | tasya kartāram api māṃ viddhy akartāram avyayam ||13||
-
14
「行动沾染不了我,我也不贪求行动的结果。谁这样认识我,他就不会被行动束缚。」
न मां कर्माणि लिम्पन्ति न मे कर्मफले स्पृहा । इति मां यो ऽभिजानाति कर्मभिर् न स बध्यते ॥१४॥
na māṃ karmāṇi limpanti na me karma-phale spṛhā | iti māṃ yo 'bhijānāti karmabhir na sa badhyate ||14||
-
15
「古时求解脱的人,也是明白这一点才去行动的。所以,你也去行动吧,就像古人早先那样。」
एवं ज्ञात्वा कृतं कर्म पूर्वैर् अपि मुमुक्षुभिः । कुरु कर्मैव तस्मात् त्वं पूर्वैः पूर्वतरं कृतम् ॥१५॥
evaṃ jñātvā kṛtaṃ karma pūrvair api mumukṣubhiḥ | kuru karmaiva tasmāt tvaṃ pūrvaiḥ pūrvataraṃ kṛtam ||15||
-
16
「什么是行动,什么是不行动,连贤哲在这件事上也会困惑。我来告诉你什么是行动,知道了它,你就能摆脱不幸。」
किं कर्म किम् अकर्मेति कवयो ऽप्य् अत्र मोहिताः । तत् ते कर्म प्रवक्ष्यामि यज् ज्ञात्वा मोक्ष्यसे ऽशुभात् ॥१६॥
kiṃ karma kim akarmeti kavayo 'py atra mohitāḥ | tat te karma pravakṣyāmi yaj jñātvā mokṣyase 'śubhāt ||16||
-
17
「应当了解什么是行动,也应当了解什么是错误的行动,还应当了解什么是不行动;行动的道理是很深奥的。」
注 1
- 错误的行动
- vikarma,多数注家解作「被禁止的、错误的行动」;也有人解作「特殊的、各式各样的行动」。
कर्मणो ह्य् अपि बोद्धव्यं बोद्धव्यं च विकर्मणः । अकर्मणश् च बोद्धव्यं गहना कर्मणो गतिः ॥१७॥
karmaṇo hy api boddhavyaṃ boddhavyaṃ ca vikarmaṇaḥ | akarmaṇaś ca boddhavyaṃ gahanā karmaṇo gatiḥ ||17||
-
18
「能在行动中看到不行动、在不行动中看到行动的人,是人中的智者;他心系瑜伽,做尽了一切该做的事。」
कर्मण्य् अकर्म यः पश्येद् अकर्मणि च कर्म यः । स बुद्धिमान् मनुष्येषु स युक्तः कृत्स्नकर्मकृत् ॥१८॥
karmaṇy akarma yaḥ paśyed akarmaṇi ca karma yaḥ | sa buddhimān manuṣyeṣu sa yuktaḥ kṛtsna-karma-kṛt ||18||
-
19
「一个人所做的一切都没有欲望和私心算计,他的行动已被知识之火烧尽,智者称他为贤人。」
यस्य सर्वे समारम्भाः कामसंकल्पवर्जिताः । ज्ञानाग्निदग्धकर्माणं तम् आहुः पण्डितं बुधाः ॥१९॥
yasya sarve samārambhāḥ kāma-saṃkalpa-varjitāḥ | jñānāgni-dagdha-karmāṇaṃ tam āhuḥ paṇḍitaṃ budhāḥ ||19||
-
20
「他抛开对行动结果的执着,永远满足,无所依赖,即使全心投入行动,其实什么也没有做。」
त्यक्त्वा कर्मफलासङ्गं नित्यतृप्तो निराश्रयः । कर्मण्य् अभिप्रवृत्तो ऽपि नैव किंचित् करोति सः ॥२०॥
tyaktvā karma-phalāsaṅgaṃ nitya-tṛpto nirāśrayaḥ | karmaṇy abhipravṛtto 'pi naiva kiṃcit karoti saḥ ||20||
-
21
「他不抱期望,控制住身心,舍弃一切占有,只做维持身体所需的事,就不会招来罪过。」
निराशीर् यतचित्तात्मा त्यक्तसर्वपरिग्रहः । शारीरं केवलं कर्म कुर्वन् नाप्नोति किल्बिषम् ॥२१॥
nirāśīr yata-cittātmā tyakta-sarva-parigrahaḥ | śārīraṃ kevalaṃ karma kurvan nāpnoti kilbiṣam ||21||
-
22
「对偶然所得心满意足,超越对立两端,没有嫉妒,成功与失败都一样看待,这样的人即使行动也不受束缚。」
यदृच्छालाभसन्तुष्टो द्वन्द्वातीतो विमत्सरः । समः सिद्धाव् असिद्धौ च कृत्वापि न निबध्यते ॥२२॥
yadṛcchā-lābha-santuṣṭo dvandvātīto vimatsaraḥ | samaḥ siddhāv asiddhau ca kṛtvāpi na nibadhyate ||22||
-
23
「对于一个摆脱执着、获得解脱、心安住于知识、为祭祀而行动的人,他的行动会完全消融。」
गतसङ्गस्य मुक्तस्य ज्ञानावस्थितचेतसः । यज्ञायाचरतः कर्म समग्रं प्रविलीयते ॥२३॥
gata-saṅgasya muktasya jñānāvasthita-cetasaḥ | yajñāyācarataḥ karma samagraṃ pravilīyate ||23||
-
24
「献供的勺子是梵,祭品是梵,由梵把它投进梵的火中;专注于梵之行动的人,所要到达的也只是梵。」
ब्रह्मार्पणं ब्रह्म हविर् ब्रह्माग्नौ ब्रह्मणा हुतम् । ब्रह्मैव तेन गन्तव्यं ब्रह्मकर्मसमाधिना ॥२४॥
brahmārpaṇaṃ brahma havir brahmāgnau brahmaṇā hutam | brahmaiva tena gantavyaṃ brahma-karma-samādhinā ||24||
-
25
「有些瑜伽士只供奉诸神的祭祀;另一些人则在梵的火中,以祭祀本身作为供品献祭。」
दैवम् एवापरे यज्ञं योगिनः पर्युपासते । ब्रह्माग्नाव् अपरे यज्ञं यज्ञेनैवोपजुह्वति ॥२५॥
daivam evāpare yajñaṃ yoginaḥ paryupāsate | brahmāgnāv apare yajñaṃ yajñenaivopajuhvati ||25||
-
26
「有的人把听觉等感官投进自制之火中献祭;有的人把声音等感官对象投进感官之火中献祭。」
श्रोत्रादीनीन्द्रियाण्य् अन्ये संयमाग्निषु जुह्वति । शब्दादीन् विषयान् अन्य इन्द्रियाग्निषु जुह्वति ॥२६॥
śrotrādīnīndriyāṇy anye saṃyamāgniṣu juhvati | śabdādīn viṣayān anya indriyāgniṣu juhvati ||26||
-
27
「还有的人把一切感官的活动和生命气息的活动,投进被知识点燃的、自我节制的瑜伽之火中献祭。」
注 1
- 梵文本
- 梵文本开头的「kiṃ ca -(还有)」是注释混进来的连接词,不属颂文;第 29 颂前也有一处。
सर्वाणीन्द्रियकर्माणि प्राणकर्माणि चापरे । आत्मसंयमयोगाग्नौ जुह्वति ज्ञानदीपिते ॥२७॥
sarvāṇīndriya-karmāṇi prāṇa-karmāṇi cāpare | ātma-saṃyama-yogāgnau juhvati jñāna-dīpite ||27||
-
28
「有的修行者以财物为祭,有的以苦行为祭,有的以瑜伽为祭,还有持守严格誓戒的修行者,以诵读经典和求知为祭。」
द्रव्ययज्ञास् तपोयज्ञा योगयज्ञास् तथापरे । स्वाध्यायज्ञानयज्ञाश् च यतयः संशितव्रताः ॥२८॥
dravya-yajñās tapo-yajñā yoga-yajñās tathāpare | svādhyāya-jñāna-yajñāś ca yatayaḥ saṃśita-vratāḥ ||28||
-
29
「还有的人把呼气投入吸气,把吸气投入呼气,阻断呼吸的流动,专心修习调息。」
注 1
- 生命气息 prāṇa
- 身体里维持生命的气。prāṇa 与 apāna 是其中两种,哪个对应呼气、哪个对应吸气,注家说法不一。
अपाने जुह्वति प्राणं प्राणे ऽपानं तथापरे । प्राणापानगती रुद्ध्वा प्राणायामपरायणाः ॥२९॥
apāne juhvati prāṇaṃ prāṇe 'pānaṃ tathāpare | prāṇāpāna-gatī ruddhvā prāṇāyāma-parāyaṇāḥ ||29||
-
30
「另一些人节制饮食,把生命气息投入生命气息中献祭。这些人都懂得祭祀,他们的罪垢都被祭祀消除了。」
अपरे नियताहाराः प्राणान् प्राणेषु जुह्वति । सर्वे ऽप्य् एते यज्ञविदो यज्ञक्षपितकल्मषाः ॥३०॥
apare niyatāhārāḥ prāṇān prāṇeṣu juhvati | sarve 'py ete yajña-vido yajña-kṣapita-kalmaṣāḥ ||30||
-
31
「吃祭祀剩下的甘露的人,会到达永恒的梵。俱卢族的俊杰啊,不祭祀的人连这个世界都得不到,何况别的世界?」
यज्ञशिष्टामृतभुजो यान्ति ब्रह्म सनातनम् । नायं लोको ऽस्त्य् अयज्ञस्य कुतो ऽन्यः कुरुसत्तम ॥३१॥
yajña-śiṣṭāmṛta-bhujo yānti brahma sanātanam | nāyaṃ loko 'sty ayajñasya kuto 'nyaḥ kurusattama ||31||
-
32
「就这样,许多种祭祀都铺陈在梵(吠陀)的口中。要知道,它们都从行动中产生;明白这一点,你就会解脱。」
एवं बहुविधा यज्ञा वितता ब्रह्मणो मुखे । कर्मजान् विद्धि तान् सर्वान् एवं ज्ञात्वा विमोक्ष्यसे ॥३२॥
evaṃ bahu-vidhā yajñā vitatā brahmaṇo mukhe | karmajān viddhi tān sarvān evaṃ jñātvā vimokṣyase ||32||
-
33
「克敌者啊,知识之祭胜过财物之祭;阿周那,一切行动最终都在知识中圆满完成。」
श्रेयान् द्रव्यमयाद् यज्ञाज् ज्ञानयज्ञः परन्तप । सर्वं कर्माखिलं पार्थ ज्ञाने परिसमाप्यते ॥३३॥
śreyān dravya-mayād yajñāj jñāna-yajñaḥ parantapa | sarvaṃ karmākhilaṃ pārtha jñāne parisamāpyate ||33||
-
34
「你要通过顶礼、请教和侍奉去学习它;那些洞见真理的智者会把知识传授给你。」
तद् विद्धि प्रणिपातेन परिप्रश्नेन सेवया । उपदेक्ष्यन्ति ते ज्ञानं ज्ञानिनस् तत्त्वदर्शिनः ॥३४॥
tad viddhi praṇipātena paripraśnena sevayā | upadekṣyanti te jñānaṃ jñāninas tattva-darśinaḥ ||34||
-
35
「阿周那,知道了它,你就不会再这样迷惑;借着它,你会看到一切众生都在真我之中,也在我之中。」
यज् ज्ञात्वा न पुनर् मोहम् एवं यास्यसि पाण्डव । येन भूतान्य् अशेषेण द्रक्ष्यस्य् आत्मन्य् अथो मयि ॥३५॥
yaj jñātvā na punar moham evaṃ yāsyasi pāṇḍava | yena bhūtāny aśeṣeṇa drakṣyasy ātmany atho mayi ||35||
-
36
「即使你是一切罪人中罪孽最重的,你也能只靠知识之船渡过一切罪恶。」
अपि चेद् असि पापेभ्यः सर्वेभ्यः पापकृत्तमः । सर्वं ज्ञानप्लवेनैव वृजिनं सन्तरिष्यसि ॥३६॥
api ced asi pāpebhyaḥ sarvebhyaḥ pāpa-kṛttamaḥ | sarvaṃ jñāna-plavenaiva vṛjinaṃ santariṣyasi ||36||
-
37
「阿周那,就像熊熊燃烧的火把木柴化为灰烬,知识之火也把一切行动(业)化为灰烬。」
यथैधांसि समिद्धो ऽग्निर् भस्मसात् कुरुते ऽर्जुन । ज्ञानाग्निः सर्वकर्माणि भस्मसात् कुरुते तथा ॥३७॥
yathaidhāṃsi samiddho 'gnir bhasmasāt kurute 'rjuna | jñānāgniḥ sarva-karmāṇi bhasmasāt kurute tathā ||37||
-
38
「世上没有什么比知识更能净化人。在瑜伽上修行圆满的人,到时候自会在自己心中找到它。」
न हि ज्ञानेन सदृशं पवित्रम् इह विद्यते । तत् स्वयं योगसंसिद्धः कालेनात्मनि विन्दति ॥३८॥
na hi jñānena sadṛśaṃ pavitram iha vidyate | tat svayaṃ yoga-saṃsiddhaḥ kālenātmani vindati ||38||
-
39
「有信心、一心向它、管住了感官的人,就能得到知识;得到知识后,很快就能达到至高的平静。」
श्रद्धावांल् लभते ज्ञानं तत्परः संयतेन्द्रियः । ज्ञानं लब्ध्वा परां शान्तिम् अचिरेणाधिगच्छति ॥३९॥
śraddhāvāṃl labhate jñānaṃ tat-paraḥ saṃyatendriyaḥ | jñānaṃ labdhvā parāṃ śāntim acireṇādhigacchati ||39||
-
40
「无知、没有信心、满心怀疑的人会毁灭;对怀疑的人来说,这个世界没有,另一个世界也没有,快乐也没有。」
अज्ञश् चाश्रद्दधानश् च संशयात्मा विनश्यति । नायं लोको ऽस्ति न परो न सुखं संशयात्मनः ॥४०॥
ajñaś cāśraddadhānaś ca saṃśayātmā vinaśyati | nāyaṃ loko 'sti na paro na sukhaṃ saṃśayātmanaḥ ||40||
-
41
「阿周那,借瑜伽舍弃了行动、用知识斩断了怀疑、把握住自己的人,行动束缚不了他。」
योगसंन्यस्तकर्माणं ज्ञानसंछिन्नसंशयम् । आत्मवन्तं न कर्माणि निबध्नन्ति धनञ्जय ॥४१॥
yoga-saṃnyasta-karmāṇaṃ jñāna-saṃchinna-saṃśayam | ātmavantaṃ na karmāṇi nibadhnanti dhanañjaya ||41||
-
42
「所以,阿周那,用知识之剑斩断你心中这由无知生出的怀疑,安住于瑜伽,站起来吧!」
तस्माद् अज्ञानसंभूतं हृत्स्थं ज्ञानासिनात्मनः । छित्त्वैनं संशयं योगम् आतिष्ठोत्तिष्ठ भारत ॥४२॥
tasmād ajñāna-saṃbhūtaṃ hṛt-sthaṃ jñānāsinātmanaḥ | chittvainaṃ saṃśayaṃ yogam ātiṣṭhottiṣṭha bhārata ||42||