薄伽梵歌 · 第五章 · 舍弃瑜伽 KarmasaṃnyāsayogaBhagavadgītā
-
1
(阿周那说:)「黑天啊,你既称赞舍弃行动,又称赞瑜伽(行动瑜伽)。这两者哪一个更好,请明确告诉我。」
संन्यासं कर्मणां कृष्ण पुनर् योगं च शंससि । यच् छ्रेय एतयोर् एकं तन् मे ब्रूहि सुनिश्चितम् ॥१॥
saṃnyāsaṃ karmaṇāṃ kṛṣṇa punar yogaṃ ca śaṃsasi | yac chreya etayor ekaṃ tan me brūhi suniścitam ||1||
-
2
(世尊说:)「舍弃行动和行动瑜伽都能带来至善;但两者之中,行动瑜伽比舍弃行动更胜一筹。」
संन्यासः कर्मयोगश् च निःश्रेयसकराव् उभौ । तयोस् तु कर्मसंन्यासात् कर्मयोगो विशिष्यते ॥२॥
saṃnyāsaḥ karma-yogaś ca niḥśreyasa-karāv ubhau | tayos tu karma-saṃnyāsāt karma-yogo viśiṣyate ||2||
-
3
「不憎恶也不渴求的人,应当被看作永远的舍弃者;大臂者啊,摆脱了对立两端的人,很容易就能从束缚中解脱。」
ज्ञेयः स नित्यसंन्यासी यो न द्वेष्टि न काङ्क्षति । निर्द्वन्द्वो हि महाबाहो सुखं बन्धात् प्रमुच्यते ॥३॥
jñeyaḥ sa nitya-saṃnyāsī yo na dveṣṭi na kāṅkṣati | nirdvandvo hi mahā-bāho sukhaṃ bandhāt pramucyate ||3||
-
4
「只有幼稚的人才说数论与瑜伽是两回事,贤人不这么说;真正专心于其中一个的人,就能得到两者的结果。」
सांख्ययोगौ पृथग् बालाः प्रवदन्ति न पण्डिताः । एकम् अप्य् आस्थितः सम्यग् उभयोर् विन्दते फलम् ॥४॥
sāṃkhya-yogau pṛthag bālāḥ pravadanti na paṇḍitāḥ | ekam apy āsthitaḥ samyag ubhayor vindate phalam ||4||
-
5
「数论者达到的境地,瑜伽者也能达到。把数论和瑜伽看作一体的人,才真正看清了。」
यत् सांख्यैः प्राप्यते स्थानं तद् योगैर् अपि गम्यते । एकं सांख्यं च योगं च यः पश्यति स पश्यति ॥५॥
yat sāṃkhyaiḥ prāpyate sthānaṃ tad yogair api gamyate | ekaṃ sāṃkhyaṃ ca yogaṃ ca yaḥ paśyati sa paśyati ||5||
-
6
「但是,大臂者啊,没有瑜伽,舍弃是很难做到的;而专心瑜伽的牟尼,很快就能达到梵。」
संन्यासस् तु महाबाहो दुःखम् आप्तुम् अयोगतः । योगयुक्तो मुनिर् ब्रह्म नचिरेणाधिगच्छति ॥६॥
saṃnyāsas tu mahābāho duḥkham āptum ayogataḥ | yoga-yukto munir brahma nacireṇādhigacchati ||6||
-
7
「专心瑜伽、内心纯净、制服了自己、战胜了感官、把一切众生的自我都看作自己的自我的人,即使行动也不受沾染。」
योगयुक्तो विशुद्धात्मा विजितात्मा जितेन्द्रियः । सर्वभूतात्मभूतात्मा कुर्वन्न् अपि न लिप्यते ॥७॥
yoga-yukto viśuddhātmā vijitātmā jitendriyaḥ | sarva-bhūtātma-bhūtātmā kurvann api na lipyate ||7||
-
8
「专心而懂得真相的人会想:『我其实什么也没做』——即使在看、听、触、闻、吃、走、睡、呼吸,」
नैव किं चित् करोमीति युक्तो मन्येत तत्त्ववित् । पश्यञ् शृण्वन् स्पृशञ् जिघ्रन्न् अश्नन् गच्छन् स्वपञ् श्वसन् ॥८॥
naiva kiṃ cit karomīti yukto manyeta tattva-vit | paśyañ śṛṇvan spṛśañ jighrann aśnan gacchan svapañ śvasan ||8||
-
9
「说话、排泄、抓取、睁眼、闭眼的时候,他也明白:『只不过是感官在感官对象上运作而已。』」
प्रलपन् विसृजन् गृह्णन्न् उन्मिषन् निमिषन्न् अपि । इन्द्रियाणीन्द्रियार्थेषु वर्तन्त इति धारयन् ॥९॥
pralapan visṛjan gṛhṇann unmiṣan nimiṣann api | indriyāṇīndriyārtheṣu vartanta iti dhārayan ||9||
-
10
「把行动托付给梵、抛开执着去做事的人,不会被罪恶沾染,就像莲叶不沾水一样。」
ब्रह्मण्य् आधाय कर्माणि सङ्गं त्यक्त्वा करोति यः । लिप्यते न स पापेन पद्मपत्रम् इवाम्भसा ॥१०॥
brahmaṇy ādhāya karmāṇi saṅgaṃ tyaktvā karoti yaḥ | lipyate na sa pāpena padma-patram ivāmbhasā ||10||
-
11
「瑜伽士抛开执着,只用身体、心意、理智,甚至单单用感官去行动,为的是净化自己。」
कायेन मनसा बुद्ध्या केवलैर् इन्द्रियैर् अपि । योगिनः कर्म कुर्वन्ति सङ्गं त्यक्त्वात्मशुद्धये ॥११॥
kāyena manasā buddhyā kevalair indriyair api | yoginaḥ karma kurvanti saṅgaṃ tyaktvātma-śuddhaye ||11||
-
12
「专心的人放弃行动的结果,得到稳固的平静;不专心的人受欲望驱使,执着于结果,因而受到束缚。」
युक्तः कर्मफलं त्यक्त्वा शान्तिम् आप्नोति नैष्ठिकीम् । अयुक्तः कामकारेण फले सक्तो निबध्यते ॥१२॥
yuktaḥ karma-phalaṃ tyaktvā śāntim āpnoti naiṣṭhikīm | ayuktaḥ kāma-kāreṇa phale sakto nibadhyate ||12||
-
13
「自制的有身者,在心里舍弃一切行动,安乐地住在九门之城中,自己既不做事,也不让别人做事。」
注 1
- 九门之城
- 指身体。九门是两眼、两耳、两鼻孔、口,以及排泄与生殖两窍。
सर्वकर्माणि मनसा संन्यस्यास्ते सुखं वशी । नवद्वारे पुरे देही नैव कुर्वन् न कारयन् ॥१३॥
sarva-karmāṇi manasā saṃnyasyāste sukhaṃ vaśī | nava-dvāre pure dehī naiva kurvan na kārayan ||13||
-
14
「主宰者并不为世人造出『做事者』的身份,也不造出行动,也不安排行动与结果的结合;这些都是本性自己在运作。」
注 1
- 主宰者
- prabhu,可以理解为神,也可以理解为住在身体里的真我,注家看法不一。
न कर्तृत्वं न कर्माणि लोकस्य सृजति प्रभुः । न कर्मफलसंयोगं स्वभावस् तु प्रवर्तते ॥१४॥
na kartṛtvaṃ na karmāṇi lokasya sṛjati prabhuḥ | na karma-phala-saṃyogaṃ svabhāvas tu pravartate ||14||
-
15
「遍在者不接受任何人的罪恶,也不接受任何人的善行;知识被无知遮蔽,所以众生迷惑。」
नादत्ते कस्य चित् पापं न चैव सुकृतं विभुः । अज्ञानेनावृतं ज्ञानं तेन मुह्यन्ति जन्तवः ॥१५॥
nādatte kasya cit pāpaṃ na caiva sukṛtaṃ vibhuḥ | ajñānenāvṛtaṃ jñānaṃ tena muhyanti jantavaḥ ||15||
-
16
「但对那些用知识消除了自身无知的人,这知识就像太阳一样,照亮那至高者。」
ज्ञानेन तु तद् अज्ञानं येषां नाशितम् आत्मनः । तेषाम् आदित्यवज् ज्ञानं प्रकाशयति तत्परम् ॥१६॥
jñānena tu tad ajñānaṃ yeṣāṃ nāśitam ātmanaḥ | teṣām ādityavaj jñānaṃ prakāśayati tatparam ||16||
-
17
「心思在那里、自我在那里、立足在那里、以那里为最终归宿的人,罪垢被知识洗净,就去往不再回来之处。」
तद्बुद्धयस् तदात्मानस् तन्निष्ठास् तत्परायणाः । गच्छन्त्य् अपुनरावृत्तिं ज्ञाननिर्धूतकल्मषाः ॥१७॥
tad-buddhayas tad-ātmānas tan-niṣṭhās tat-parāyaṇāḥ | gacchanty apunar-āvṛttiṃ jñāna-nirdhūta-kalmaṣāḥ ||17||
-
18
「贤人平等看待一切:无论是学识渊博而谦逊的婆罗门,还是牛、大象、狗,以及吃狗肉的贱民。」
विद्याविनयसंपन्ने ब्राह्मणे गवि हस्तिनि । शुनि चैव श्वपाके च पण्डिताः समदर्शिनः ॥१८॥
vidyā-vinaya-saṃpanne brāhmaṇe gavi hastini | śuni caiva śvapāke ca paṇḍitāḥ sama-darśinaḥ ||18||
-
19
「心安住于平等的人,就在此生已经战胜了轮回造化。梵是无瑕而平等的,所以他们安住于梵。」
इहैव तैर् जितः सर्गो येषां साम्ये स्थितं मनः । निर्दोषं हि समं ब्रह्म तस्माद् ब्रह्मणि ते स्थिताः ॥१९॥
ihaiva tair jitaḥ sargo yeṣāṃ sāmye sthitaṃ manaḥ | nirdoṣaṃ hi samaṃ brahma tasmād brahmaṇi te sthitāḥ ||19||
-
20
「得到喜爱的东西不狂喜,遇到不喜欢的东西不烦恼;理智坚定、不受迷惑、认识梵的人,就安住于梵。」
न प्रहृष्येत् प्रियं प्राप्य नोद्विजेत् प्राप्य चाप्रियम् । स्थिरबुद्धिर् असंमूढो ब्रह्मविद् ब्रह्मणि स्थितः ॥२०॥
na prahṛṣyet priyaṃ prāpya nodvijet prāpya cāpriyam | sthira-buddhir asaṃmūḍho brahmavid brahmaṇi sthitaḥ ||20||
-
21
「心不执着于外界接触的人,在自身中找到快乐;他的心与梵的瑜伽相应,享受不会消减的快乐。」
बाह्यस्पर्शेष्व् असक्तात्मा विन्दत्य् आत्मनि यत् सुखम् । स ब्रह्मयोगयुक्तात्मा सुखम् अक्षयम् अश्नुते ॥२१॥
bāhya-sparśeṣv asaktātmā vindaty ātmani yat sukham | sa brahma-yoga-yuktātmā sukham akṣayam aśnute ||21||
-
22
「由接触而生的享乐,其实都是痛苦的根源;贡蒂之子,它们有始有终,智者不会以它们为乐。」
ये हि संस्पर्शजा भोगा दुःखयोनय एव ते । आद्यन्तवन्तः कौन्तेय न तेषु रमते बुधः ॥२२॥
ye hi saṃsparśajā bhogā duḥkha-yonaya eva te | ādy-anta-vantaḥ kaunteya na teṣu ramate budhaḥ ||22||
-
23
「在舍弃身体之前,就能在今生承受住欲望和愤怒带来的冲动,这样的人是专心的人,是快乐的人。」
शक्नोतीहैव यः सोढुं प्राक् शरीरविमोक्षणात् । कामक्रोधोद्भवं वेगं स युक्तः स सुखी नरः ॥२३॥
śaknotīhaiva yaḥ soḍhuṃ prāk śarīra-vimokṣaṇāt | kāma-krodhodbhavaṃ vegaṃ sa yuktaḥ sa sukhī naraḥ ||23||
-
24
「内在有乐、内在有喜、内在有光的人,这样的瑜伽士与梵合一,就能达到梵涅槃。」
यो ऽन्तःसुखो ऽन्तरारामस् तथान्तर्ज्योतिर् एव यः । स योगी ब्रह्मनिर्वाणं ब्रह्मभूतो ऽधिगच्छति ॥२४॥
yo 'ntaḥ-sukho 'ntarārāmas tathāntar-jyotir eva yaḥ | sa yogī brahma-nirvāṇaṃ brahma-bhūto 'dhigacchati ||24||
-
25
「罪垢已尽、断除了疑惑、能够自制、乐于利益一切众生的仙人们,会得到梵涅槃。」
लभन्ते ब्रह्मनिर्वाणम् ऋषयः क्षीणकल्मषाः । छिन्नद्वैधा यतात्मानः सर्वभूतहिते रताः ॥२५॥
labhante brahma-nirvāṇam ṛṣayaḥ kṣīṇa-kalmaṣāḥ | chinna-dvaidhā yatātmānaḥ sarva-bhūta-hite ratāḥ ||25||
-
26
「对于摆脱了欲望和愤怒、控制了心、认识了真我的修行者,梵涅槃就在他们身边。」
कामक्रोधवियुक्तानां यतीनां यतचेतसाम् । अभितो ब्रह्मनिर्वाणं वर्तते विदितात्मनाम् ॥२६॥
kāma-krodha-viyuktānāṃ yatīnāṃ yata-cetasām | abhito brahma-nirvāṇaṃ vartate viditātmanām ||26||
-
27
「把外界的接触挡在外面,目光凝聚在两眉之间,让在鼻孔里流动的呼气与吸气保持均匀,」
स्पर्शान् कृत्वा बहिर् बाह्यांश् चक्षुश् चैवान्तरे भ्रुवोः । प्राणापानौ समौ कृत्वा नासाभ्यन्तरचारिणौ ॥२७॥
sparśān kṛtvā bahir bāhyāṃś cakṣuś caivāntare bhruvoḥ | prāṇāpānau samau kṛtvā nāsābhyantara-cāriṇau ||27||
-
28
「控制住感官、心意和理智,以解脱为最终目标,摆脱了欲望、恐惧和愤怒的牟尼,就永远是解脱的。」
यतेन्द्रियमनोबुद्धिर् मुनिर् मोक्षपरायणः । विगतेच्छाभयक्रोधो यः सदा मुक्त एव सः ॥२८॥
yatendriya-mano-buddhir munir mokṣa-parāyaṇaḥ | vigatecchā-bhaya-krodho yaḥ sadā mukta eva saḥ ||28||
-
29
「知道我是一切祭祀与苦行的享受者、一切世界的大自在主、一切众生的朋友,他就能得到平静。」
भोक्तारं यज्ञतपसां सर्वलोकमहेश्वरम् । सुहृदं सर्वभूतानां ज्ञात्वा मां शान्तिम् ऋच्छति ॥२९॥
bhoktāraṃ yajña-tapasāṃ sarva-loka-maheśvaram | suhṛdaṃ sarva-bhūtānāṃ jñātvā māṃ śāntim ṛcchati ||29||